ACVV bied maatskaplike dienste en bemagtigingsondersteuning aan talle mense wat in nood is: kinders, bejaardes, gestremdes, individue en gesinne. Die ACVV bestuur ’n crèche en pre-primêre skool en bedryf ’n winkel met tweedehandse klere en produkte vir aanvulling van fondse. Ons verteenwoordiger is Belinda Mostert:mostertswab@gmail.com. Die ACVV se nommer is 021 883 3015.

ABBA (deel van Badisa, die NG Kerk en VGK se bediening vir barmhartigheid). By ABBA word rolspelers gemobiliseer om middelafhanklikheid (alkohol- en dwelmmisbruik) te voorkom en te behandel. Gesinne wat geraak word, word ondersteun. Behandeling word by twee sentrums, Ramot en Toevlug, gegee. Ons verteenwoordiger is Betta Augustyn (betta@stellemploy.org). ABBA Stellenbosch se nommer is 021 883 8030.

Huis Horison is ’n tehuis in Stellenbosch waar verstandelik-gestremde persone lewenslank gehuisves en versorg word. Die tehuis is grootliks afhanklik van die steun van die gemeenskap. Van ons lidmate het kinders in Huis Horison. Heelwat inwoners het nie ouers of ander familie nie. Kom sluit aan by die Kring van Vriende van Huis Horison en help met projekte soos houtwerk, brei, naaldwerk, kaartjiesmaak, hekel, kralewerk en storieslees. Die verteenwoordiger is Anna-Marie Brand (082 327 0348 / annemarie_brand@yahoo.com). Huis Horison se nommer is 021 887 5080.

Nagskuiling bied oornaggeriewe aan hawelose mense teen ’n nominale bedrag. Voedsel en komberse word voorsien waar nodig. Nagskuiling se nommer is 021 886 6173  en hulle e-posadres is info@stellenboschnightshelter.co.za. Ons gemeenteverteenwoordiger is Marietjie Visagé mriki.visage@gmail.com.

Safe House is ’n plaaslike skuiling vir mishandelde vroue en kinders en persone met krisisswangerskappe. Safehouse se nommer is 021 883 2574. Ons verteenwoordiger is Marie Neethling (marieneethling72@gmail.com).

Stellemploy is ’n organisasie wat deur die kerke van Stellenbosch begin is om werkloosheid aan te spreek. Werkloses word hier in opleidingsprogramme bemagtig met vaardighede soos kommunikasie en geletterdheid, rekenaargebruik, tuinwerk, kookkursusse, elektrisiënwerk en motorwerktuigkundige werk. Die verteenwoordiger is Betta Augustyn: betta@stellemploy.org.  Stellemploy se nommer: 021 886 6993.

Voedingsaksie voorsien voedsel aan talle behoeftiges in ons gebied. Lidmate kan gevriesde sop vir Voedingsaksie na die kerk bring. Groente en droë bestanddele vir die maak van kos, asook brood, kan weeksoggende of Sondae na die kerk gebring word. Ons verteenwoordiger is Rina van den Heever: 021 886 5975 / ontvangs@stelwel.co.za. Voedingsaksie se nommer is 021 886 8986 en Liesel Koen is die projekbestuurder.

Jamestown Sounds reik uit na die kinders van Jamestown en Cloetesville sodat soveel as moontlik kan leer om ’n musiekinstrument te bespeel of koor te sing. Die projek het ’n positiewe en verrykende uitwerking in die gemeenskap. Die verteenwoordigers is Karin Calitz (082 905 2888 / kbc@sun.ac.za).

Jeuguitreik is ’n organisasie wat na kwesbare kinders omsien wat deur die hof van hul gesinne weggeneem word en na plekke van veiligheid geskuif word. Daar is plek vir 20 kinders wat by Jeuguitreik woon. Hulle het ook ’n “drop in” deel vir straatkinders en ander kwesbare kinders wat weeksdae daar kos kry en met huiswerk gehelp word. Jeuguitreik se nommer is 021 886 6216 en hul e-posadres is youthoutreach@webmail.co.za. Ons verteenwoordiger is Leon Cronje (leon.cronje@stelwel.co.za).

Heartflow is ’n organisasie wat hulp, ondersteuning en bemagtiging bied aan werkloses en straatmense, asook weerlose kinders. Ons gemeente verkoop Heartflow koepons teen R10 elk by die kerkkantoor. Hierdie koepons kan gegee word aan persone op straat en kan geruil word vir ’n nag se slaap by Nagskuiling of vir ’n bord kos by Bergzichtplein. Kontak die kerkkantoor vir meer inligting (021 886 5975 / ontvangs@stelwel.co.za).